भोजपुरी फिलिम “औरत” रिलीज ला तइया भइल. रहीज फिल्म इंटरनेशनल का बैनर मे मो॰ शादाब अली आ मानसी के बनावल एह फिलिम के निर्देशन मो॰ शादाब अली कइले बाड़न. कहानी लेखक उपदेश कुमार जोशी, संगीतकार शेखर श्रीवास्तव, विमल राज, सी एल जॉन आ स्व॰ सागर सेन, गीतकार राकेश निराल, अशोक अलबेला आ मेराज़, सिनेमेटोग्राफर पप्पू शेट्टी आ ईपी हउवें अकबर सैयद. फिलिम के कलाकारन में मनीष कुमार, प्रिंसी गु्प्ता, एहसान खान, कृष्णा पाण्डेय, रमेश गोयल, महेश राज आ अक्षरा के नाम बा. (के एम श्रीवास्तव)
सितारन के क्रिकेट टीम “भोजपुरी दबंग” के कप्तान मनोज तिवारी के सीसीएल के सबले कामिल खिलाड़ी मोस्ट इफिसिएंट प्लेयर ऑफ द सीरीज से नवाजल गइल बा. ई अवार्ड गोदरेज क ओर से दिहल गइल. (शशिकांत सिंह)आराधना सिनेविजन के फिलिम “बनारस वाली” ले एडिटिंग पूरा हो गइल बा. एकर शूटिंग सूरत, गुजरात के खूबसूरत जगहन पर भइल बा. पवन संिंह एहमें एगो चाकलेटी किरदार कइले बाड़न. निर्देशक हउवें शशिकांत दूबे.
भोजपुरी फिलिम “रानी बनल ज्वाला” के पोस्ट प्रोडक्शन काम एह घरी मूवी लैब में पूरा जोर पर बा. पहिला कापी अगिला हफ्ता मिल जाए के उमेद बा.एहमें रानी चटर्जी, दीपक कुमार, बंदिनी मिश्रा, भूपेंदर, सी पी भट्ट, गोपाल राय अउर राज प्रेमी वगैरह कलाकार बाड़ें. (अरुण सिंह)
