भइल बा उखमवा

Written by OmPrakash Singh

June 28, 2011

– ओ.पी. अमृतांशु

टपऽ- टपऽ चुअता पसेनवा
हायॅ राम भइल बा उखमवा !

चैन बा दलानी नाहीं
बाग-फुलवारी,
लेई लुकवारी धावे
पछुआ बेयारि,
उसिनाई गइल बा परानवा
हायॅ राम भइल बा उखमवा !

पोखरा – ईनरवा के
होठवा झूराई गइल,
खेतवा के नन्ही -नन्ही
डिभी झकोराई गइल ,
छछनी के पीहुके पपिहवा  
हायॅ राम भइल बा उखमवा !

गरमी जवानी थाम्हऽ
बरखा ये रानी आवऽ,
जरती भुभुरिया के 
हिकवा मिटानी आवऽ 
छम-छम बारिसऽ अँगनवा
हायॅ नाची मन के मयूरवा.
टपऽ- टपऽ चुअता पसेनवा.

हायॅ राम भइल बा उखमवा !

Loading

You May Also Like…

‘लोक’ आ ओकर संस्कृति

‘लोक’ आ ओकर संस्कृति

(भोजपुरी दिशा बोध के पत्रिका के मार्च 2024 अंक प्रकाशित हो गइल बा. ओकरे सम्पादकीय के एहिजा परोसल जात बा. भोजपुरी पर...

अबहीं ना अइलें (बारहमासा)

अबहीं ना अइलें (बारहमासा)

- अरविन्द 'अकेेला' पिया मोर गइलेें बिदेेस, लवटि घर अबहीं ना अइलेें बसलेें सवतिया के देस, लवटि घर अबहीं ना अइलेें चढ़त...

8 Comments

  1. kiran

    जीवन से जुडल गीत काफी प्रभावपूर्ण लागत बा .”उसिनाई गइल बा परानवा” में केतना दर्द झलकत बा .
    धन्यवाद !अमृतांशु जी

    किरण

  2. bhola prakash

    उसिनाई गइल बा परानवा
    हायॅ राम भइल बा उखमवा !

    वाह बहुत अच्छा रचना बा .मजा आ गइल.
    भोला प्रकाश

  3. SAHIL

    VERY BEAUTIFUL SUMMER SONG

  4. punam singh

    “उसिनाई गइल बा परानवा
    हायॅ राम भइल बा उखमवा !”
    वाह! केतना दर्द बा राउर कविता में .

    पूनम

  5. ram prakash

    तोहर गर्मी के पुकार भगवान सुन लिहले बाडन.एही से बारहा रानी के भेज दिहले बाडन .
    बहुत सुन्दर गीत बा .
    धन्यवाद !

  6. santosh patel

    amritanshu
    bahut umda rachana …
    ashirvad
    santosh

  7. प्रभाकर पाण्डेय

    पोखरा – ईनरवा के
    होठवा झूराई गइल,
    खेतवा के नन्ही -नन्ही
    डिभी झकोराई गइल ,….

    भाई अमॉतांशु जी…ग्रामीण परिवेश के सजीव वर्णन करत रउआँ ए रचना की माध्यम से पानी (जवने कातिर आजकल..महानगर में हाहाकार मचल रहता) की जगहि पर अमृत पिया रहल बानी। साधुवाद।।

  8. amritanshuom

    नमस्कार सर !
    सबसे पहिले धन्यवाद रचना प्रकाशित करे खातिर .बाकिर एगो निहोरा बा रचना में निचे से दुसरका लाइन “हो, टपऽ- टपऽ चुअता पसेनवा” निकाल दीहीं त बढ़िया रही .
    धन्यवाद !
    राउर
    ओ.पी.अमृतांशु

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Scroll Up