कुछ बरीस पहिले एगो नज्म सुनले रहीं कि –
मुझ पर इल्जाम है कि चोर को क्यों चोर कहा ?
क्यों सही बात कही, काहे ना कुछ और कहा ?
दू दिन से बवाल हो गइल बा कि पीएम मोदी अइसन काहे कह दिहलन जवना से देश के जनता इंडी गोलबन्दी के साजिश बूझ लिहलसि. कांग्रेस त हमेशा से एह देश के मुसलमानन के संपति मानत आइल बिया. पहिले का जमाना में एकर राजनीतिक फायदा मिलल करे से कांग्रेस कबो एह बात के लुकावे-छिपावे के कोशिशो ना करत रहुवे. बाकिर अब जमाना बदल गइल बा, देश के बहुसंख्यक अब अपना अधिकार ला बहुते सचेत हो गइल बाड़ें. एहसे कांग्रेसी पीएम रहल मनमोहन सिंह के ऊ भाषण जवना में ऊ देश के संसाधनन पर पहिला हक देश के मुसलमानन के बतवले रहलन ओकर ईयाद दिअवला के का जरुरत रहुवे कि पीएम मोदी ओह भाषण के ईयाद करावे लगलन. आ जब मेहनत से, बुद्धि से, रोजगार से, व्यवसाय से कमाई करेवालन के संपति ले के ओकरा के मजलूमन में बोँटे के वादा अपना घोषणापत्र में कइलसि त ओकरा बारे में सभका के सचेत कइला के का जरुरत रहुवे.
इंडी गोलबन्दी के लोग जब मोदी सरकार पर आरोप लगावत रहुवे कि चुनाव जीतला का बाद मोदी देश के संविधान बदल दिहें तब त लोगो के ई सचाई पते रहुवे कि अइसन कुछ होखे वाला नइखे. बाकिर कांग्रेसी साजिश का बारे में लोगन के चेता के त मोदी इंडी गोलबन्दी के सगरी साजिश सफल होखे से पहिलहीं बेकार हो गइल. मोदी के जीत त पक्का बा, चार सौ का पार जाए के बात कहत बाड़न त का इंडी गोलबन्दी के अतनो अधिकार नइखे कि ऊ अपना हवाई महल में उमेद के एगो झरोखा खोल सके. अब एह घरी त खुलेआम मुसलमानन के तुष्टिकरण के कोशिश करे वाला के खुदकुशी करै वाला बन जाई. एक त मोदी-योगी हिन्दुवन के जात-पाँत में बाँटे लइखल देत आ ओहपर से मुसलमानन के रिझावहूं के कोशिश नइखन करे देत. ई त तानाशाही हो गइल.
बहुसंख्यकन के चाहीं कि जइसे देश के एगो बड़हन हिस्सा मुसलमानन के दे दीहल गइल ओही तरह अपना संपति के बलिदान दे देसु. बाकिर हिन्दू अब सुनते नइखन एह तरह के बात. अइसनका में लोकतंत्र कइसे बाची.
चाहत त रहनी कि भोजपुरी के कवनो वीडियो मिल जाव बाकिर मिलल ना. भोजपुरिहा अइसहीं आपन सुभाव बनवले राखसु त हो सकेला कि गीतो-गवनई मिलल मुश्किल हो जाई आगा चलिके. मजबूरन एगो हिन्दी वीडियो सुनावत बानीं –
देश के इतिहास में किसी भी प्रधानमंत्री द्वारा सबसे विषैला और सांप्रदायिक भाषण ये था 👇 pic.twitter.com/J7fqVqWFhu
— Kapil Mishra (Modi Ka Pariwar) (@KapilMishra_IND) April 22, 2024
0 Comments