दुनिया के भोजपुरी में पहिलका वेबसाइट अंजोरिया डॉटकॉम आम भोजपुरिया का भाषा में काम करे में विश्वास करेले. एह चलते हो सकेला कि कुछ लोग के हमरा मथैला पर शिकायत होखो. होखल करो हम त ओही तरह बतियाएब जवना के सभे आसानी से समुझ जाव. एह सफाई का बाद आईं असल मुद्दा पर.
एने कुछ दिन से कांग्रेसी आ इंडी गठजोड़ के साजिश का बारे में पीएम मोदी सभका के बतावे-जतावे-समुझावे मे लागल बाड़ें आ देश के लिब्रांडू गिरोह तड़फड़ा गइल बाड़ें. कांग्रेसी आ इंडी गठजोड़ के साजिश बा कि देश के मेहनतकश लोगन, संचय करे वालन के संपति हड़प लिहल जाव आ अपना लगुआ-भगुआ में बाँट दीहल जाव.
— Rishi Bagree (@rishibagree) April 24, 2024
तरह-तरह के सफाई देत एह लिब्रांडुवन के बापे सगरी खुलासा कर दिहलें. कहलन कि आदमी के मुअला का बाद ओकर ओरजल-सिरजल धन के आधा से अधिका सरकार के हो जाए के चाहीं. सैम पित्रोदा इंडियन ओवरसीज कांग्रेस के अध्यक्ष हउवन आ राहुल गाँधी के राजनीतिक गुरु कहल जाला उनुका के. सैम पित्रोदा के बयान आवते कांग्रेस का मूड़ी पर ठनका गिर पड़ल. कांग्रेस के पोढ़ नेता जयराम रमेश के कहना बा कि ठीक बा कि पित्रोदा उनुका रइसन लोगन के गुरु, मित्र, दार्शनिक आ मार्गदर्शक जइसन हउवें. बाकिर जरुरी नइखे कि उनुकर कहल हर बात से कांग्रेस सहमत रहेले. अधिया के सरकारी बधिया करे वाली योजना पित्रोदा के आपन निजी विचार हवे. रउरो सुन लीं जयराम के बयान.
INC: पित्रोदा के ‘विरासत टैक्स’ वाले बयान से कांग्रेस ने पल्ला झाड़ा, जयराम बोले- यह पार्टी का भी विचार नहीं#JairamRamesh
#SamPitroda #Congress
#InheritenceTaxhttps://t.co/35N3uWGMWW— Amar Ujala (@AmarUjalaNews) April 24, 2024
अब ई रउरा पर बा कि अपना बाप-दादा के अरजल-सिरजल संपति कांग्रेसी सरकार का नामे कर देबेला इंडी गठजोड़ के वोट कर का जितवा दीं भा अइसन की दीं कि भठियारन के साजिश नाकाम हो जाव.
चपरासी के क्वाटर से, स्कूल मास्टरी से, भा खाली नेतागिरी कर के अरबपति खरबपति बनल एह नेतवन के अपना बाप के धन त आपन हइए हवे, अब हमरो-रउरा बाप के धन हथियावे के साजिश बनावत बाड़ें ई लूटेरा सभ. बाद में मत कहब कि रउरा त मालूमे ना रहल. कांग्रेस अपना घोषणापत्र में आ अपना बयानन से ई बात रउरा के बता चुकल बाड़ें. भाजपा के त जानले जाला कि ऊ अपना घोषणापत्र में कहल हर काम पूरा कर के देखा देले. एह गफलत में मत रहब कि जब आजु ले आपन कहलका पर ना टिकलें कांग्रेसी त अबकियो ना टिकिहें सँ. दस बरीस से भुखाइल बाड़न स, जवने मिली तवने के गटक जइहें सँ.
0 Comments