दिल्ली आ देश अइसन बड़का विरोध प्रदर्शन कबो ना देखलेे रहल

Photo is the screen grab of Associated Press video

कट्टर ईमानदार नेता अरविन्द केजरीवाल केे शराब घोटाला का केेस मेें अदालत रिमांड पर दे दिहलसि अरविन्द केेजरीवाल केे. उमेद त रहबे करुवेे कि एह अत्याचार का खिलाफ देश के जनता एगो नया जनक्रांति कर दी. सपा मुखिया अखिलेेश यादव त ट्वीटो क दिहलन कि केेन्द्र सरकार केे एह अत्याचार का खिलाफ देश मेें एगो नया जनक्राति के शुरुआत करा दी.

ईडी का खिलाफ विरोध प्रदर्शन मेें इंडी गठबन्हन के लोग जमीन सेे आसमान ले गरदा उड़ा दी समुचा देश आशा भरल निगाहन सेे तिकवत रहुवेे. क्रांति सेे होखेे वाला हर असुविधा खातिर देश के जनता पहिलहीं सेे तइयार रहुवे. आ भइबो कइल कुछ अइसने.

हमरो उमेद अइसनेे कुछ रहुवेे बाकिर जब देखनी कि देश के मीडिया मेें अइसनका कुछ नइखे होखत त सोचनी काहेे़ ना कवनो विदेशी मीडिया के रपट खोजल जाव. आ अमेरिका के एगो न्यूज एजेन्सी एसोसिएटेेड प्रेेस केे रपट मिलिये गइल. सोचनी कि काहे ना भोजपुरी मेें दुनिया केे पहिलका वेेबसाइट अंजोरिया डॉट कॉम केे पाठकन सेे ई रपट शेयर कर दीं. रउरो सभे देखीं कि कतना विशाल जनसमर्थन उठ खड़ा भइल बा देश में. दिल्ली के लोग त अतना विशाल विरोध प्रदर्शन कबो देखबे ना कइलसि. ओहू बेेरा ना जब अन्ना का नेतृत्व मेें केजरीवाल अपना राजनीति के बीजारोपण कइले रहलन.

देख केे त इहे लागत बा कि शायद अब तानाशाह मोदी सरकार केे आँख खुल जाई. दुनिया अइसनका तानाशाह आजु लेे ना देखलसि जेेेकरा केे विरोधी जतना मन करे गरिया लेेव, जवनेे मन करेे तवने अछरंग लगा देसु आ ऊ पूरा आजादी देव एह काम ला अपना विरोधियन के. अब ओहू तानाशाह केे बुझा गइल होखी कि अरविनद केजरीवाल कवनो आदमी ना एगो विचार केे नाम हऽ जइसे कि कांग्रेेस का बारे मेें राहुल गाँधी केे दावा रहेेला.

इंडी गठबन्हन के लोग में नया उत्साह केे संचार हो गइल बा. ओह लोग केे अब उमेदे ना पूरा विश्वास हो गइल बा कि आजु ना त काल्हु, काल्हु ना त अगिला हफ्ता, अगिलो हफ्ता ना त अगिला महीना देश केे जनता सड़कन पर उतर आई तानाशाह मोदी के तानाशाही के हमेशा हमेशा ला दफन करा दी. दफन करावे के बात एही से कहल जात बा कि सगरी इंडी गठबन्हन सनातन आ हिन्दूत्व केे नाश करेे ला तत्पर बा. आ एही कारण दाह संस्कार भा अंतिम संस्कार के बात नइखे करत लोग.