शुक का दिने चुनाव आयोग दिल्ली के सरकार चलावत आआपा गोल के बीस गो विधायकन के विधायकी रद करे जोग मान लिहलसि आ राष्ट्रपति का लगे आपन अनुशंसा भेज दिहलसि. अपना बेहया टेढ़ियई का ताव में आआपा वाले चुनाव आयोग का सोझा पेशे ना भइलें. कहलें कि मामिला हाई कोर्ट में बा आ जब ले ओहिजा से फैसला नइखे आ जात तबले चुनाव आयोग एह मामिला के सुनवाई ना करे. मजबूरन चुनाव आयोग आखिरकार आपन फैसला सुनाइए दिहलसि. फैसला आ गइला का बाद आआपा वाले फेरु हाई कोर्ट चहुँप गइलें आपन गोहार ले के. बाकिर एह लोग के अदालत से कवनो राहत ना मिलल काहें कि अदालतो अब एह गोल के हकीकत जान गइल बा.
एह फैसला का बाद अब दिल्ली विधानसभा के खाली हो गइल सीटन प मधायावधि चुनाव के उमेद बढ़ गइल बा आ तब हो सकेला कि दिल्ली विधानसभा में सीटन का गणित बदलि जाव.
0 Comments