हर बात बेबात पर कुकुरबझाँव करे वाला टीवी मीडिया के देशछवि के चिन्ता नइखे. भूत पिशाच अपराध हर तरह के बात पर ब्रेकिंग न्यूज चलावे वाला देश के मीडिया एह बात के कवनो तवज्जो नइखे देत कि देश के कवनो दुश्मन देश के नक्शा का साथ कवना तरह के खिलवाड़ करत बा. ओह लोग का हिसाब से भारत कर गलत नक्शा देखावे वाला गूगल का खिलाफ कुछ कहला लिखला देखवला के कवनो “जरुरत” नइखे. ओह लोग खातिर एह खबर के कवनो महत्व नइखे.

देश के टीवी मीडिया के संपादकीय नीति एह बात से बहुते आसानी से बूझल जा सकेला. ऊ लोग अपना टीआरपी खातिर कवनो खबर देखा चला सकेला, घंटनो एकही बात दुहरा तिहरा सकेला बाकिर देश के गलत नक्शा पर बोले खातिर ओह लोग का लगे एक शब्द तक नइखे..

खुद अधिकतर टीवी चैनलन के आपन वेबसाइट बा आ सब पर गूगल एनालिटीक के सेवा लिहल जा रहल बा. ऊ लोग खुदहू देखत होखी ओह नक्शा के बाकिर जेकर जमीर मर चुकल बा ओकरा पइसा आ अपना फायदा का अलावा कुछ सूझे ना

कुछ त कहीं...

This site uses Akismet to reduce spam. Learn how your comment data is processed.