फागुनः दू गो गीत

by | Mar 29, 2012 | 0 comments


(पाती के अंक 62-63 (जनवरी 2012 अंक) से – 20वी प्रस्तुति)

– कमलेश राय

एक
अंग-अंग मिसिरी में बोर गइल
फागुन रस घेर गइल!

पतझर के पीरा के हियरा से बिसरा के
थिरकि उठल बगियन में गांछ-गांछ अगरा के
डाढि आज सगरी लरकोर भइल!

पसरल सगुन रंग खेतन-सिवानन में
भौंरा डोले लागल फूलन के आंगन में
एहबाती कलियन कऽ कोर भइल!

पुरवइया रेंग गइल मन में चोरी-चोरी
फूटि चलल अधरन से मद में मातल होरी
हिया में उछाह कऽ अंजोर भइल!

नेह कऽ नेवतले के मान भरल अँखियन में
गोरी कुछ बोल गइल छुप-छुप कनखियन में
अइसन ई मौसम बरजोर भइल!

दू

अचके उभरे गीत हिया में थिरके बिछुवा पाँव में
सुख कऽ पाती लेके आइल फागुन हमरे गाँव में!

सोना जड़ल बिहान, दुपहरी हीरा जड़ल लगे
सेनुर गूथल साँझि, रात चानी मे मढ़ल लगे
हँसि हँसि चान अंजोरिया छिरके सगरे गाँव गिराँव में!

गँवे-गँवे गदराइल मद में मातल महुआबारी
लागे आज सोहागिन पहिरि सितारन वाली साडी
थम-थम जाये पथिक, पंछी जेकरा घुंघटा के छाँव में!

कबहूँ सुरूख सगुन रंग कबहूँ सुधि के रंग रंगावे
एकसर बिंहँस- बिंहँस के मन कुछ अपने से बतियावे
बेसुध हवा चिकोटी काटे बरबस ठाँव-कुठाँव में!


पिछला कई बेर से भोजपुरी दिशा बोध के पत्रिका “पाती” के पूरा के पूरा अंक अँजोरिया पर् दिहल जात रहल बा. अबकी एह पत्रिका के जनवरी 2012 वाला अंक के सामग्री सीधे अँजोरिया पर दिहल जा रहल बा जेहसे कि अधिका से अधिका पाठक तक ई पहुँच पावे. अलग बात बा कि हर पन्ना फेर से लिखे के पड़त बा जवना चलते विलम्ब से सामग्री परोसात बा.

पाती के संपर्क सूत्र
द्वारा डा॰ अशोक द्विवेदी
टैगोर नगर, सिविल लाइन्स बलिया – 277001
फोन – 08004375093
ashok.dvivedi@rediffmail.com

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up