बतकुच्चन १०२

by | Mar 19, 2013 | 0 comments


पिछला हफ्ता एक जने के पटावे खातिर दोसरा जने के पठा दिहल गइल. जिनका के पठावल गइल से ओह राज्य के पालक रहलें आ लोग कहत बा कि एह बहाने उनुका के पटावे के कोशिश कइल गइल बा जिनकर सहारा अगिला साल के चुनाव का बाद लेबे के जरूरत पड़ सकेला.

राजनीति में हर तरह के पट्टी पढ़ावत रहेला लोग बाकिर कूटनीति में चालबाजी के एगो अइसन नमूना देखे के मिलल बा कि जीव सन्न दे रहि गइल. सुनत पढ़त देखत आइल रहनी कि सगरी खूदाई एक तरफ जोरू के भाई एक तरफ. अब कूटनीतिओ में एकर पालन होखे लागल बा. मलकिनी का नइहर के हर अपराधी हमनी के ठेंगा देखावत आजाद होखत जात बा आ हमनी के बूता नइखे कि ओहन के विरोध कर पाईं स. मलकिनी के गोल के लोगो मुँह पर पट्टी बान्ह लिहले बा. केकर मईया बाघ बियानी कि मलकिनी के नइहर से जुड़ल मुद्दा पर आपन मुँह खोल सको. से सभे पटा गइल बा. केहू के आँख पर पट्टी पड़ल बा त केहू मुँह पर पट्टी बान्ह लिहले बा. जानत बा लोग कि ओह लोग के बात रउरा सभे पतियाएब ना से ऊ लोग रउरा के पटियावे के कोशिशे छोड़ दिहले बा एह मुद्दा पर. जानत बा कि रउरा के एह बात पर पटकनिया दिहल संभव ना हो पाई त पटकुनिया पड़ गइल बा ऊ लोग.

अब एतना देर के पटपटाहट से रउरो बहुत कुछ साफ हो गइल होई कि हम कवना पट्टी के बात करत बानी. आ हो सकेला कि एह फेर में पटावल, पठावल, पटियावल, पतियावल, पट्टी पढ़ावल, पट्टी बान्हल, पट्टी पड़ल, पट्टी, पटाइल, पटकुनिया, वगैरह पर से धेयान हट गइल होखी. अपना विद्यार्थी जीवन में हमनी के वाक्य में खाली जगहन के शब्दन से भरे के कहल जात रहुवे परीक्षा में. बाकिर बतकुच्चन में हम कुछ शब्द ले लिहिलें आ फेर ओह शब्दन के गोलियावत वाक्य भरत रहीलें. ई त भइल बतकुच्चन के रचना प्रक्रिया आ हम त हमेशा इहे चाहब कि रउरो सभे राजनीतिक गोलबंदी भूला के एह शब्दन के मतलब आ ओकर इस्तेमाल पर धेयान दी सभें. सामयिक मुद्दन के इस्तेमाल त बस सुभीता खातिर कर लिहल जाला कि बतियावे आ समुझे में आसानी होखे. ओकर कवनो निहितार्थ निकलला के जरूरत ना होखे.

दू हफ्ता में फगुआ आवत बा से ढेरे कादो पाँकी फेंकल लगावल जाई. कुछ दोसरा पर लागी कुछ रउरो पर पड़ सकेला. दोसरा के गोबर लगावे में आपनो हाथ त गंदा होखहीं के बा. केकर केकर लीहीं नाम कमरी ओढ़ले सगरी गाँव. बाकिर तकलीफ एह बात के बा कि जब कवनो देश अपना बात से मुकर जाव त फेर केकर भरोसा रहि जाई. बाते से आदमी पान खाला बाते से लात खाए के नौबत आ जाला. आ एहसे बोलत घरी बहुते सम्हर के रहे के चाहीं. आ फेर कवनो बात के लमरलो के सीमा होखे के चाहीं. बात ह हनुमान जी के पोंछ त ह ना कि जतना मन करे बढ़वले चल जाईं. से अब एहिजे रोकत बानी आजु के बतकुच्चन.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up