भुखाइल पेट के सांच

by | Aug 1, 2013 | 0 comments

– जयंती पांडेय

छपरा में दुपहरिया के भोजन क के 23 गो लईका मर गइले सन एह बात से दुखी बाबा लस्टमानंद नेताजी से पूछले कि, हे सरकार, अइसन काहे हो ता? लइकन के जियरा त अंखड़ेरे चल गइल. लईका देश के भविष्य होले सन. नेताजी के रासा चढ़ गइल आ कहले ‘ऐ, बूढ़ा लईका लोग मर गया तऽ ई हमको भी लउकता है. अरे आतना त हुआ कि लईका सब खा के मरा आ उहो मिड डे मील खाया, इहां सुबह शाम भी खाना नसीब ना है. ऊ सबको दुपहरियो को खाना मिल गया ना त भुखाइले मू जाता तब का कहते? आ ई बात के जांच हो रहा है. जांच के रिपोर्ट आने पर सबको बता दिया जायेगा.’

नेताजी कुछ अइसे बोलले कि लस्टमानंद के बोली बंद हो गइल. लगले सोचे ई अंग्रेजी में नांव बा आ अपना देस में अंग्रेजी बोलला पर सबके इज्जत बढ़ जाला. वइसे मिड डे मिल के अपना गंवई भासा में कहल जाउ त ऊ खिचड़ी होला. आ खिचड़ी सांचो पौष्टिक खाना ह पर ऊ सरकारी खिचड़ी ना होखो तब. खिचड़ी त जेलो में आ राजनीति के खेलो में होला पर जेल में केहु मुए ना आ राजनीति के खिचड़ी से त आपन ई देस 60 बरिस से चल रहल बा. लस्टमानंद सोचे लगले जब सरकार ई स्कीम चालू कइले रहे कहल गइल रहे कि ई सरकार के मानवीय योजना ह. सांचो ई स्कीम त सरकार के मानवीय चेहरा के एक्सटेंशन ह आ भविष्य में जेकर लईका खिचड़ी वाला स्कूल में जइहें सन ओकरा खातिर टेंशन ह. बाबा लस्टमानंद कई हाली ऊ मिड डे मील देखले. सांचो ऊ खाए लायक ना रहे. ऊ नेता जी टोकले, सरकार खाना सांचों बड़ा घटिया रहे खाए लायक ना रहे. नेताजी कहले ‘लस्टमानंद तहार पेट भरा है बूझा आ जे तूं कह रहा है न ऊ भरा पेट का सांच है खाली पेट का सांच दोसरा होता है, तुम का समझेगा तुम देहाती भुच्चड़ है.’

लस्टमानंद कहले, हां नेताजी खाली पेट के त सांच होला आ ओकरा खातिर हर चीज खाए लायक होला. लेकिन ई आपने देस है जहां सांचो के जांच होला, सबूत जोहल जाला, रिपोर्ट बनेला. ई घटना के सबूतो बा. माई बाप रोअता, नेता लोग बहस करऽता. रोअल देख के दया आवऽता आ बहस सुन के घिन आवे ला. ओकरो से बड़हन घृणा के बात बा कि लईकन के खाना में से दस सेर में नौ सेर ई नेता आ बेईमान लोग चोरा ले जा ता आ वजन बनल रहो एही से खाना में अलाई बलाई मिला दे ता लोग. ऊ लोग त ई सोचेला कि भुखाइल लआकन के त जहर माहुर जवन दे द खा जइहें सन. अपना देश में बेइमानी बहुत बड़हन हकीकत ह आ जबले ई रही लईका असहीं मुइहें सन.


जयंती पांडेय दिल्ली विश्वविद्यालय से इतिहास में एम.ए. हईं आ कोलकाता, पटना, रांची, भुवनेश्वर से प्रकाशित सन्मार्ग अखबार में भोजपुरी व्यंग्य स्तंभ “लस्टम पस्टम” के नियमित लेखिका हईं. एकरा अलावे कई गो दोसरो पत्र-पत्रिकायन में हिंदी भा अंग्रेजी में आलेख प्रकाशित होत रहेला. बिहार के सिवान जिला के खुदरा गांव के बहू जयंती आजुकाल्हु कोलकाता में रहीलें.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up