हिन्दू आतंकवाद के बात उठा के गृहमंत्री शिन्दे कांग्रेस के हिन्दू विरोधी चेहरा उजागर कइले

by | Jan 20, 2013 | 1 comment

जयपुर में कांग्रेस के चिन्तन शिविर में देश के गृहमंत्री सुशील कुमार शिन्दे कहलन कि जाँच के रिपोर्टन से उनुका पता चलल बा कि भाजपा आ संघ के ट्रेनिंग कैंपन में हिन्दू आतंकवाद के बढ़ावा दिहल जाला. बाद में उनुका के शाबाशी देत मणि शंकर अय्यर कहलन कि गृहमंत्री के मुबारकबाद देबे के चाहीं कि एह तरह के बात अतना खुला तरह से कह दिहलन. दिग्विजय सिंह कहलन कि ऊ त ई आरोप ढेरे दिन से लगावत रहलन बाकिर केहू सुनत ना रहे. अब गृहमंत्री ई बात उठा के दिग्विजय सिंह के कहल बात साँच करार दे दिहले बाड़न.

एह तरह के भड़काऊ बयानबाजी पर कांग्रेस का तरफ से कवनो सफाई सामने नइखे आइल. हिन्दू आतंकवाद के चरचा करे वाला गृहमंत्री आ कांग्रेसी कबो मुस्लिम आतंकवाद के नाम ना लेसु. आजुओ अपना भाषण में बोलतो घरी शिन्दे मु.. कहत रूक गइलन आ माइनोरिटी कहलन. एह तरह के चरचा कर के कांग्रेस के का फायदा होखी ई त उहे जानी बाकि हमरा लागत बा कि एह तरह के गैर जिम्मेदाराना बयानबाजी से आ आतंक के कवनो धर्म के नामे जोड़ला से अउरीओ गैर जिम्मेदार लोगन के बढ़ावा मिली. नाराज हिंदू नवही एही तरह के बयानबाजी से नाराज रहेलें एह सरकार आ पार्टी से. गुजरात चुनाव में कांग्रेस के भरपूर कोशिश रहल कि ऊ कवनो अइसन बात मत कह देव जवना से मजहबी आधार पर गोलबंदी के अनेसा बन जाव. बाकि कांग्रेस के चिन्तन शिविर में हिन्दू आतंकवाद के चरचा कर के कांग्रेस शायद चाहत बिया कि अगिला चुनाव से पहिले ऊ हिन्दू विरोधी जमात के अपना गोल में शामिल कर लेव आ फेरु से चुनाव जीते के जोगाड़ बइठा लेव.

गृहमंत्री के एह बयान के भरपूर निंदा होखे के चाहीं काहे कि एहसे देश में सामाजिक सद्भाव बिगड़े के अनेसा बढ़ जाई. बाकिर दुर्भाग्य बा कि शिन्दे के बयान का बवाद कांग्रेस का तरफ से कवनो सफाई नइखे आइल आ एहसे ई बात साफ हो गइल कि ओकरा हिन्दूत्व समर्थक वोट के कवनो परवाह नइखे. अब देश के बहुसंख्यक समाज के सोचे के चाहीं कि कहीं ओकर शान्तिप्रियता ओकरा के मजबूर आ बेचारा त नइखे बनावत.

– संपादक, अँजोरिया

Loading

1 Comment

  1. Keshav Mohan Pnadey

    संपादक जी!
    शिंदे साहेब के बयान होखे चाहे राहुल बाबा के भावात्मक भाषण।
    गैस के संख्या के बढावल होखे, चाहे उपाध्यक्ष पद के सिंहासन के बात।
    हमके त लगता कि ई सब खाली 2014 के सफ़र खातिर सवारी ह।
    ई सचहूँ – — 2014 के तैयारी ह।

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up