भारत केे भाग्य के फैैसला 4 जून केे सभका सोझा आ जाई

(फोटो स्रोत- https://www.eci.gov.in/)

वइसेे त कुछ लोग के एह बात पर आपत्ति हो सकेला कि लोकसभा चुनाव के हम भारत के भाग्य के फैसला काहे लिखले बानी. बाकिर ई एगो कड़वा सचाई बावे कि एह चुनाव में जवन फैसला आई तवना से तय हो जाई कि भारत के भविष्य कइसन रहेे वाला बा. खास कर के भारत के बहुसंख्यक समाज के. आजादी के सत्तर बरीस बाद देश के हिन्दुवन के आवाज सुनाए लागल बा आ सत्ता ओह लोग के आवााज सुने लागल बिया. अबकी हर भारतीय के जिम्मेदारी बनत बा कि ऊ अपना मताधिकार के प्रयोग बहुतेे सोच समुझ के आ राष्ट्रव्यापी हित के धेयान मेें राखत करेे.

जइसन कि काल्हुवे चुनाव आयोग बता दिहले रहुवे कि आजु चुनाव के अधिसूचना जारी क दीहल जाई. से आजु देश का सोझा लोकसभा चुनाव 2024 के तारीखन के एलान मुख्य चुनाव आयुक्त कर दिहलन.

Watch LIVE : Press Conference by Election Commission to announce schedule for General Elections 2024 to Lok Sabha & State Assemblies https://t.co/M8MRkdUdod

— Election Commission of India (@ECISVEEP) March 16, 2024

पिछला बारेे जइसन अबकियो के चुनाव सात डेग में करावल जाई. पहिला डेग उठी 19 अप्रैल केे 102 सीटन पर मतदान से. दुसरका डेग 26 अप्रैल के 89 सीट पर मतदान करा के. तीसरा डेग उठी 7 मई केे 94 सीट पर मतदान करा के, चउथा डेग मेें 13 मई का दिनेे 96 सीट पर मतदान करावल जाई, पांचवा डेग उठी 20 मई के 49 सीट पर मतदान से, छठवां डेेग 25 मई के 57 सीट पर मतदानग से, आ सातवां भा आखिरी डेग होखी 1 जून के 57 सीटन पर मतदान के.

मतगणना 4 जून केे करावल जाई आ ओहि दिनेे परिणामो सभका सोझा आ जाई. ई ना कि जइसन अमेेरिका मेें होखल करेला कि कई कई दिन लाग जाला मतगणना मेें.
आजु के एलान मेें सभलेे मजेेदार निर्देश बा अपराधी रिकार्ड वाला उम्मीदवारन ला. अब ओह लोग के अपना इलाका केे अखबार मेें तीन बेर विज्ञापन दे के बतावे के पड़ी कि हम दागी हईं ! लालू त चुनावेे ना लड़़ पइहें, आ सोनिया राज्यसभा ला चुना गइल बाड़ी. बाकिर राहुल आ केजरीवाल जइसन लोगन केे विज्ञापन खरचा बढ़ जाई.

मौजूदा लोकसभा के कार्यकाल 16 जून 2024 के पूरा होखेेवाला बा. आ ओकरा पहिलहीं नयकी लोकसभा केे परिणाम आ जाए केे चाहीं.

एह चुनाव का साथही आंध्र प्रदेश, ओडिशा, अरुणाचल प्रदेश, आ सिक्किम विधानसभावनो केे चुनाव करावल जाई. आ कुछ विधानसभा सीटन पर जवन कि खाली बाड़ी सँ ओहिजे उपचुनाव लगलेे हाथ करा लीहल जाई.

Schedule :General Election to Lok Sabha 2024#ECI #GeneralElections2024 pic.twitter.com/2fjMIsxIw3

— Election Commission of India (@ECISVEEP) March 16, 2024