आ दुर्रऽऽऽ, हमरा कवन काम बा केहु से कहला के? (बतकुच्चन – ११४)

by | Jun 13, 2013 | 0 comments


आ दुर्रऽऽऽ, हमरा कवन काम बा केहु से कहला के?

हर गाँव में अइसनका एगो फुआ भा काकी जरूर मिल जइहें जिनकर कामे होला एने के बात ओने चहुँपावल आ गाँव भर के चुहानी घूमल. राजनीति आ मीडियो में अइसनका लोग के कमी ना मिले. ई लोग जवन बात कहे चाहेला तवना के अस अंदाज से कही कि लागो कि बेचारा कहल ना चाहत रहुवे बाकिर कहा गइल. अब ए कहल आ कहा गइला में जवन फरक बा तवना के आसानी से समुझल जा सकेला. बाकिर एकरे साथी संघतिया होला बेकहल. आईं जानल जाव कि बेकहल केकरा के कहल जाला.

बेकहल जवन केहु के कहला में ना रहो भा जेकरा बारे में कुछ कहल ना जा सके कि ऊ कब का कर जाई. मजे के बात ई कि बेकहल बूड़बक बताह ना होला, आ जरूरी नइखे कि ऊ बदनीयतो होखो. ऊ त बस अपना मन के मालिक होला जे बस अपना हिसाब से चलेला. हद से हद ओकरा के अनेरिया कह सकीले. हालांकि ओह लोग के हमेशा बढ़िया मानल जाला जे करे वाला काम बिना केहु के कहले, माने कि बे कहले कर देव. कार्यालय में, संगठन में, कारखाना में, दूकान में हमेशा अइसन कर्मचारियन के वाह वाह होखेला. त बेकहल आ बेकहले काम करे वाला में कतना फरक आ गइल से देख लीं. बेकहल भलही बेकाम के होखे बेकहले काम करे वाला कबो बेकाम ना हो सके.

ई त भइल बेकहल आ बेकहले काम करे वालन के बात. बाकिर कुछ लोग अइसनो होला जे कहलो पर काम ना करे आ बेकहलो ना होखे. ओकरा के का कहल जाव. आलसी कि कामचोर? काहे कि आलसी आदमी कामचोर ना होखे. बहुते संभव बा कि ऊ चाहत होखे काम करे के बाकिर अपना असकतिया सुभाव का चलते ना कर पावत होखे. असकतिया शब्द संस्कृत के अशक्त से निकलल होखला का बावजूद अशक्त होखे ना. ओकरा लगे शक्ति त होला बाकिर ऊ ओह शक्ति के इस्तेमाल करे में अशक्त हो जाला. जबकि कामचोर भा देहचोर अशक्त ना होखे, असकतिइबो ना करे. ऊ त बस काम से देह चोरावे वाला होला. जाँगर ठेठावल ऊ ना चाहे. ओकर कहना होला कि अजगर करे ना चाकरी, पंछी करे ना काम, दास मलूका कह गए सब के दाता राम.

अब पता ना ई राम आजु के यूपीए सरकार जइसन रहले कि कुछ अउर. काहे कि यूपीए सरकारो के इहे कहना बा कि ऊ सभका के भोजन के गारंटी दिहल चाहत बिया. अब जब सभका के दाना पानी के ईंतजाम होइए जाई त केहु जाँगर काहे ठेठाई? आ सभे जब याचके बन जाई त दाता कहाँ से अइहें? कहीं अइसन त ना कि भोजन सुरक्षा का नाम पर नेतवा अपना भोजन के सुरक्षा के इंतजाम करत बाड़ें. आखिर एक के फूड दोसरा ला फॉडर बनिए जाला. जेने देखीं ओनिए लोग लागल बा अपना अपना हिसाब से घपला घोटाला करे में. पूछीं त कह दी लोग कि आजु का जमाना में इमानदार उहे बा जेकरा बेइमानी करे के मौका ना मिलल. बात बहक गइल. हमरा कवन काम बा ई सब कहला के? जेकरा करे के बा से करी आ जेकरा भोगे के बा से भोगी. कहाउत ह कि बारह बरीस पर घूरो के दिन फिरेला आ देखीं ना आजु बिहार में उहे हो गइल. बाकिर दुर्रऽऽ, हमरा कवन काम बा कुछ कहला के!

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up