बतकुच्चन १०१

by | Mar 13, 2013 | 0 comments


“संतोख अतने बा / कि गाँव अपना में अझुराइल / अपने में परेशान / अपने में मगन / अतने में गील / कि हिनिके उड़ा देब! / हुनके भठा देब! / उनकर मामर हेठ करब! / बहुत जल्दिये गोटी सेट करब!!” ना, ना. गलत समुझला के जरूरत नइखे. बतकुच्चन में कविता पाठ करे के कवनो इरादा नइखे हमार. हम त बस मौजूदा हालात पर बतकुच्चन करे चलल रहीं. आ ओहीमें मामर आ जाँगर पर बतियावे के इरादा रहल. मामर के बात मन में आवते डा॰ अशोक द्विवेदी के एगो कविता के ई लाइन याद पड़ गइल आ ओकरे से शुरुआत कइल सोचनी. एहसे एक फायदा त ई भइल कि मामर के मतलब समुझावे से बाच गइनी. मामर आ मामरी, स्वाभिमान आ प्रतिष्ठा, केहू का लगे तब आवेला जब ऊ अपना जाँगर से कुछ अइसन कर देखावेला कि देश समाज ओकर इज्जत करे लागो. एह हफ्ता अचानक एगो खबर सुर्खी में आ गइल बा. देश के एगो बड़का नेता के, कुछ लोग उनुका के देश के नेता माने के तइयार नइखे ई दोसर बात बा, अपना सभा में बोले ला अमेरिका के एगो विश्वविद्यालय बोलावा भेजले रहलें. अचानक कुछ लोग ओहिजा उनुकर अइसन गोटी सेट कर दिहल कि उनकर मामर हेठ हो जाव. अब एह मामर हेठ करे का फेर में देश के मामरी हेठ हो गइल त ओहसे ओह लोग के का? ऊ लोग त बस हर तरह से एके काम में लागल बा कि केहू तरह एह नेता के हेठी कइल जाव. अब हेठी केकर होखत बा से त समय बताई.

बतिया पंचे के रही, खूंटवा रहिये पे रही वाला मानसिकता के लोग लोकतंत्र में वाक् स्वतंत्रता के बात त करेला बाकिर ओकरा के मानेला अपना फायदा ले. ई लोग दोसरा के दुनु आँख फोड़वावे ला जरूरत पड़ी त आपनो एगो आँख फोड़वा ली. हँ त बात मामर के कइल जाव. मामर आ गुमान में फरक होला. बिना कवनो गुण अपना के खास मानल गुमान होला जबकि अपना बेंवत पर, अपना जाँगर पर, अपना काम का बल पर जवन भाव मन मे आवेला तवन मामर होला. मामर से मामरी मिलेला घमंड से ना. हँ मामर के खिलाफ करे वाला लोग में अपना छल बल कुचक्र के गुमान जरूर होला. ओह लोग के अपना विघ्नजना होखे के गुमान होला. कि देखऽ कइसे फलनवा के औकात देखा दिहनी. ओकरा ई ना लागे कि एहसे ओकर खुद के औकात सामने आ गइल कि कि कतना छल छन्हर भरल बा ओकरा में. ई लोग में अतना बेंवत ना होखे कि कवनो बड़ रेघारी का सोझा ओहू ले बड़ रेघारी खींच पावसु. ऊ त बस खींचल रेघारी के मेटा के छोटहन करे में लागल रहेला. फेंटा बान्ह अपना काम में भर जाँगर लागल आदमी के पोंछिटा खींचे के ई लोग अपना जीवन के मकसद बना लेला. ओरहन कइला के जरूरत त ओह आदमी के बा जेकर पोंछीटा खिंचात बा बाकिर अपना जाँगर का बल पर काम करे में लागल आदमी ओह लोग से ओरहन का करी जे ओरहने के आपन ओढ़ना बिछवना बना लिहले होखे.

अब ओढ़नी पर याद आइल कि फगुआ के मौसम में ढेर लोग के ओढ़नी ले के ओरहन के मौका मिल गइल बा. पिछला दिने एगो सोशल साइट पर पढ़ले रहीं कि ओरहन आ ओढ़नी एके ह. मन हँस के रहि गउवे रोमन लिपि में ओरहन आ ओर्हनी लिखे में भरम होखबे करी आ गाँव समाज से टूटल लोग अपना लोक भाषा से अनचिन्हार होखत जात बाड़ें त ओरहन का कइल जाव, केकरा से कइल जाव? बस बतकुच्चन करत रहीं बात से बात निकालत रहीं. केहू रउरा बतकुच्चन के बकतूत कहे त कहत रहे.

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up