"भोजपुरी अमन" साप्ताहिक पत्रिका के नयका अंक

by | Apr 18, 2013 | 0 comments

aman-patrikaसाप्ताहिक बाकिर नियम से ना छप पावेला पत्रिका भोजपुरी अमन के १२ अप्रेल के अंक हमरा लगे स्कैन कर के आइल त एकर बारहो पन्ना पलट गइनी. पूरा पत्रिका भोजपुरी में बा आ सगरी ना त अधिकतर सामग्री भोजपुरी सरोकारन से जुड़ल बा. आजु जब मासिक पत्रिकन के काम भर के रचना नइखे मिल पावत, चलावे लायक पाठकन के संख्या नइखे हो पावत ओह हालात में एगो साप्ताहिक पत्रिका के प्रकाशन के कोशिश दुस्साहसे कहल जाई. डा॰ जनार्दन सिंह एह ला बधाई के पात्र बानी.

साप्ताहिक पत्रिका के अंदाज में “भोजपुरी अमन” में समाचार प्रमुखता से बा साहित्य के कमी बा. बाकिर ओह कमी के कुछ बढ़िया निबन्ध से पूरा करे के कोशिश कइल गइल बा.

साप्ताहिक पत्रिका में अगर फिलिम आ संगीत से जुड़ल कुछ खबर दिहल जा सके त पाठकन के रुचिगर लागी. जइसे कि काम के दवाई खियावे खातिर ओकरा के कैप्सूल में बंद कर के दिहल जाला. कैप्सूल का चलते दवाई के कड़ुआहट छिप जाला आ दवाई के काम करे के मौका मिल जाला.

एह अंक में एगो निबंध पर ध्यान चल गइल जवना में एह अंक के अतिथि संपादक वशिष्ठ दुबे भोजपुरी के सेवा में लागल लोग का नामे एगो खुला चिट्ठी लिखले बाड़न. भोजपुरी इलाका के परिधि देखावत बतावत दुबे जी लिखले बानी कि “प्रचुर ऐतिहासिक संस्कृति के धरोहर रहला के बावजूद हमनी के संस्कृति के अवदमन भाषाई साम्राज्यवाद, सिनेमा, सीरियल, भोंड़ा गीत इत्यादि के द्वार हो रहल बा. इ हमनी खातिर लज्जा आ अपमान के बात बा”

लेखक के एह बात के बड़हन शिकायत बा कि समृद्ध आ विकसित भाषा होखला क बावजूद देश के आन्हर, गूंग, बहीर सरकार एह भाषा के आजु ले आठवीं अनुसूची में ना डललसि. एकरा के भोजपुरियन के कमजोरी बतावत दुबे जी एहु बात पर जोर दिहले बानी कि भोजपुरिया इलाका के बेहिसाब आर्थिको शोषण कइल जात बा. एहसे एहीजा के मनही के हर तरह के आर्थिक, सामाजिक, सांस्कृतिक आ शैक्षिक शोषण से मुक्त करे ला नया सिरा से संग्राम करे के पड़ी.

साथही बतावल जरूरी लागत बा कि पत्रिका के लेखन से आ अउरियो सामग्री से साफ बा कि पत्रिका आनंद मार्ग से जुड़ल बिया. एक जमाना में आनन्द मार्ग देश के कई इलाकन में ओहिजा के भाषाई आधार पर आन्दोलित करे के कोशिश कइले रहुवे बाकिर एके तीर से कई शिकार करे का फेर में ओकरा असफलता हाथे लागल. एने एह पत्रिका के माध्यम से लागत बा कि आनंद मार्ग के लोग फेर सक्रिय होखे लागल बा. भोजपुरी के मामिला कवनो निहित स्वार्थ के हाथ में पड़े देबे से बचावहु के ओतने जरूरत बा जतना भोजपुरी के धंधेबाजन के हाथ में पड़े देबे से बचावे के.


भोजपुरी अमन के संपर्क सूत्र

डा॰ जनार्दन सिहं,
३७, हिम सिटी, देवा रोड, मटियारी, चिनहट,
लखनऊ.

फोन :-
9236961379,
9695325051

इमेल
bhojpuriya@ymail.com

Loading

0 Comments

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up