भोजपुरी का राह के कील काँटा हटावल गइल

by | Dec 13, 2012 | 1 comment

rksingh-dubey-kuldeep12 दिसम्बर 2012 का दिने केन्द्रीय गृह मंत्रालय के बोलहटा पर दिल्ली आइल बिहार भोजपुरी अकादमी के अध्यक्ष प्रो रविकांत दुबे भारत के गृह सचिव आर के सिंह संगे लमहर बातचीत कइलन. एह बातचीत में प्रो॰ दुबे लगभग डेढ़ सौ पन्ना के दस्तावेजो गृह सचिव के सँउपलन. एह दस्तावेजन के देखला क बाद गृह सचिव के कहना रहल कि उनुका जवन चाहत रहल तवन भेंटा गइल.

गृह सचिव के एह कहना पर संगे आइल भोजपुरी पंचायत के संपादक आ मीडिया क्लब के महासचिव कुलदीप कुमार पुछिए लिहलन कि अब त सगरी बाधा दूर हो गइल भोजपुरी के आठवीं अनुसूची में शामिल करे के? त गृह सचिव बतवलन कि प्रो॰ दुबे से मिलल दस्तावेजन में ऊ सब कुछ बा जवना के जरूरत रहल आ अब भोजपुरी के संवैधानिक दर्जा देबे के काम तेज हो जाई.

प्रो॰ रविकांत दुबे भोजपुरी भाषा आ साहित्य के इतिहास लगभग एक हजार सालो से पुराना बतावत कहलन कि भोजपुरी में नाहियो त आठ से दस हजार किताब छप चुकल बाड़ी स जवना में भोजपुरी व्याकरण, शब्दकोष, तुलनात्मक अध्यन, भाषा आ साहित्य के इतिहास, आधुनिक लेखन, गद्य, पद्य समेत सगरी विधा के किताब शामिल बाड़ी स. भोजपुरी में पचासो से बेसी पत्रिका प्रकाशित होत बाड़ी स जवना के सूची गंह सचिव के दिहल गइल. उनुका के इहो बतावल गइल कि भोजपुरी फिलिम देश के 14 गो राज्यन में रिलीज कइल जाला आ देश में हिंदी सिनेमा का बाद भोजपुरिए सिनेमा के सबले बड़ बाजार बा.

भोजपुरी में प्राथमिक, माध्यमिक, इंटर, स्नातक, स्नातकोत्तर स्तर से लगाइत पी. एच. डी. तकले के पढ़ाई देश के अनेक विशवविद्यालयन में हो रहल बा. एहमें वीर कुंवर सिंह विश्वविद्यालय, आरा, जय प्रकाश विश्वविद्यालय, छपरा, बी. आर. आंबेडकर विश्वविद्यालय, मुजफ्फरपुर, बिहार विद्यालय परीक्षा समिति, इंदिरा गाँधी उन्मुक्त विश्वविद्यालय के देश भर के अध्यन केंद्र, नालंदा खुला विश्वविद्यालय, बनारस हिन्दू विश्वविद्यालय, राष्ट्रीय खुला विश्वविद्यालय समेत अनेके नाम शामिल बाड़ी स. बिहार सरकार विधान सभा में अधिनियम पारित करा के भोजपुरी के विकास ला बिहार भोजपुरी अकादमी स्थापित करवले बिया. यूपीओ में एह तरह के अकादमी बनावे के माँग उठावल जात बा.

बातचीत क दौरान प्रो॰ दुबे कई गो सवालो उठवलन. जइसे कि

(1) भारत सरकार के गृह विभाग के पत्र संख्या – 7492 दिनांक 21 .08 . 2012 के अनेके बिंदू अव्यावहारिक बाड़ी स जवना में राज्य सरकारन से पूछल गइल बा कि कवना कवना सरकारी विभाग में भोजपुरी में काम काज होला, भोजपुरी के छात्र भोजपुरी के अलावे अउरी कवना विषय में भोजपुरी माध्यम से परीक्षा देलें भा फेर भोजपुरी इलाका के जे लोग जनगणना में मातृभाषा के नाम पर हिंदी लिखले बा ओह लोग के गैर भोजपुरी मानल जाव कि ना, वगैरह.

(2) का दोसरो भासन के संवैधानिक दर्जा देत घरी ई सब सवाल उठावल गइल रहल? जइसन अब भोजपुरी का मामिला में कइल जात बा.

(3 ) गृह मंत्रालय भोजपुरी के संवैधानिक मान्यता देबे के मसला जानबूझ के अझुरावत बावे आ बेमतलब के देरी पैदा करत बावे.

(4) 178 साल पहिले मॉरिशस गइल गिरमिटिया मजदूरन के वंशज आजु मारीशस में भोजपुरी के जवन मुकाम दिअवले बाड़न ओहसे हमनी का कई गुना पीछे बानी जा. ई हमनी के सरकार ला शरम के बात होखे के चाहीं.

(5) भोजपुरी भाषा भाषियन के प्रामाणिक जनसंख्या, संघ लोक सेवा आयोग के परीक्षा, भा भारतीय करेंसीं पर लिखावट जइसन समस्या का आधार पर मामिला अझूरावल गलत बा.

भारत सरकार के गृह सचिव आर के सिंह एह बातचीत में सहयोगात्मक रवैया देखवलन आ कहलन कि ई प्रस्ताव जल्दिए अग्रेसारित कर दिहल जाई. हालांकि गृह सचिव कुछ अउरिओ जानकारी मँगलन जवना के जल्दिए पठावे के भरोसा दिहलन प्रो॰ दुबे.


(कुलदीप श्रीवास्तव के रपट का आधार पर)

Loading

1 Comment

  1. Sunil K Patel

    Bahut bahut Badhaiiiiii

Submit a Comment

This site uses Akismet to reduce spam. Learn how your comment data is processed.

अँजोरिया के भामाशाह

अगर चाहत बानी कि अँजोरिया जीयत रहे आ मजबूती से खड़ा रह सके त कम से कम 11 रुपिया के सहयोग कर के एकरा के वित्तीय संसाधन उपलब्ध कराईं. यूपीआई पहचान हवे - भा सहयोग भेजला का बाद आपन एगो फोटो आ परिचय
anjoria@outlook.com
पर भेज दीं. सभकर नाम शामिल रही सूची में बाकिर सबले बड़का पाँच गो भामाशाहन के एहिजा पहिला पन्ना पर जगहा दीहल जाई.
अबहीं ले 13 गो भामाशाहन से कुल मिला के सात हजार तीन सौ अठासी रुपिया (7388/-) के सहयोग मिलल बा. सहजोग राशि आ तारीख का क्रम से पाँच गो सर्वश्रेष्ठ भामाशाह -
(1)
अनुपलब्ध
18 जून 2023
गुमनाम भाई जी,
सहयोग राशि - एगारह सौ रुपिया

(3)

24 जून 2023 दयाशंकर तिवारी जी,
सहयोग राशि - एगारह सौ एक रुपिया
(4)
18 जुलाई 2023
फ्रेंड्स कम्प्यूटर, बलिया
सहयोग राशि - एगारह सौ रुपिया
(7)
19 नवम्बर 2023
पाती प्रकाशन का ओर से, आकांक्षा द्विवेदी, मुम्बई
सहयोग राशि - एगारह सौ रुपिया

(11)
24 अप्रैल 2024
सौरभ पाण्डेय जी
सहयोग राशि - एगारह सौ रुपिया

पूरा सूची
एगो निहोरा बा कि जब सहयोग करीं त ओकर सूचना जरुर दे दीं. एही चलते तीन दिन बाद एकरा के जोड़नी ह जब खाता देखला पर पता चलल ह.

संस्तुति

हेल्थ इन्श्योरेंस करे वाला संस्था बहुते बाड़ी सँ बाकिर स्टार हेल्थ एह मामिला में लाजवाब बा, ई हम अपना निजी अनुभव से बतावतानी. अधिका जानकारी ला स्टार हेल्थ से संपर्क करीं.
शेयर ट्रेडिंग करे वालन खातिर सबले जरुरी साधन चार्ट खातिर ट्रेडिंगव्यू
शेयर में डे ट्रेडिंग करे वालन खातिर सबले बढ़िया ब्रोकर आदित्य बिरला मनी
हर शेेयर ट्रेेडर वणिक हैै - WANIK.IN

Categories

चुटपुटिहा

सुतला मे, जगला में, चेत में, अचेत में। बारी, फुलवारी में, चँवर, कुरखेत में। घूमे जाला कतहीं लवटि आवे सँझिया, चोरवा के मन बसे ककड़ी के खेत में। - संगीत सुभाष के ह्वाट्सअप से


अउरी पढ़ीं
Scroll Up