Author: OmPrakash Singh

आधुनिक काल के एगो महान खगोलविद् कार्ल सगन के कहना बा कि वैदिक खगोल विज्ञान के समय माप अकेला माप ह जवन आधुनिक समय माप से मेल खाला. अब चूंकि सगन नास्तिक रहले से मानल जा सकेला कि उनुका पर कवनो साम्प्रदायिक प्रभाव ना रहल होई. एगो दोसर खगोलविद् के कहना बा कि साढ़े चार हजार साल पहिले कइल वैदिक गणना आजु के गणना से एकहू मिनट फरका नइखे. जबकि वैज्ञानिक वैदिक ज्ञान, जवन कि हिन्दूत्व आ हिन्दू धर्म संस्कृति के आधार ह, से सहमत लउकत बाड़न हमनी के तथाकथित लिबरल समाज वैज्ञानिक आ मीडिया के धूर्त ठग आ झूठा हिन्दूवन आ हिन्दू धर्म के लगातार गरियावत थाकत नइखन. एहमें से कुछ के त इहो मालूम नइखे कि कवन “बनावल” मजहब कत्ल करे करावे के शुरूआत कइलसि. राजदीप सरदेसाई पारिवारिक आदमी हउवन. कवनो बाप का तरह उहो चाहत बाड़े कि उनकर संतान ओह भारत में पलाव पोसाव जहाँ लोग सम्प्रदाय का नाम पर खून ना करत होखे. ई एगो बढ़िया विचार बा. जॉन लेनन त कहले रहन कि “संप्रदाय के कल्पनो मत करऽ”. बाकि राजदीप ओह महतारी बापन के का कहीहें जे खुलेआम भगवान राम के “डिवाइन इन्क्रोचर” कहत गरियावत बाड़े? ई नवहियन के का सिखावत बा जब केहू कहत बा कि हिन्दूस्तानी मरद कुरूप होले ? ओह संपादक के का कहीहें जे हिन्दू विरोधी चैनल चलावत बा? ओह संपादक का बारे में का कहीहें जे पिछला छह महीना...

टाइम्स आफ इंडिया पर अपना ब्लॉग में एम जे अकबर एह सवाल के उठावत लिखले बाड़न कि ठीक बा कि एगो पेड़ जंगल ना बनावे बाकिर जब कवनो सैद्धान्तिक चिरई झाड़ी से झाँके त पता लगावल जरूरी हो जाला कि मौसम बदले वाला बा का. आ ई चिरई त भगवा रंगाइलो नइखे. तीसेक साल पहिले जब सैयद शहाबुद्दीन विदेश सेवा के आपन शानदार नौकरी छोड़ के राजनीति में उतरल रहलें त ऊ इस्लामिक हरियर रंग में रंगाइल रहलें. रंग अबहियों बदलल नइखे से जब ऊ आजु के मुसलमान राजनेतन के नफरत के निशान पर रहत नरेन्द्र मोदी के चिट्ठी लिखलें त ई खबर बावे. अकबर साहेब आगा लिखत बाड़न कि एहू ले खास बात कि शहाबुद्दीन के खंडन लेटरहेड ले के आइल चिट्ठी में लिखल बात खातिर ना. इहे चरचा करत आगे बतवले बाड़न कि आज मुसलमान नरेन्द्र मोदी के माफ करे ला तइयार बाड़े बशर्ते मोदी अपना गलती ला माफी माँग लेसु, भुक्तभोगियन के मुआविजा मिल जाव आ अपराधियन के सजा. एम जे अकबर के कहना बा कि जब मुसलमानन के प्रतिनिधि राजनेता होखे क दावा करे वाला मनई एह तरह के चिट्ठी लिखे त साफ हो जात बा कि आजु मुसलमान माने लागल बाड़न कि नरेन्द्र मोदी ओह लोग का तरफ अंगुरी ना हाथ बढ़ावत बाड़न. आ दोसर ई कि अब मुसमलमान मानस माने लागल बा कि नरेन्द्र मोदी से बातचीत कइल जा सकेला. अकबर साहेब का...